سلمي صباحي تشكر كل من وقف بجانبها وبالدعاء لها وترسل لكم رساله جنيعا :) 
Salma Sabahy
السر ..

السر .. اني حسيت ان ربنا بيحبني اوي ابتلاني ونصفني ..

السر .. اني دقت جزء من الظلم اللي داقه ابويا

السر .. اني كنت بشوف صمود امي ايام وشهور لما كانوا بيعتقلوا ابويا

السر .. ان بعد 6 سنين جواز اكتشفت في اشرف حاجات جديده واتأكد شعوري انه هدية ربنا ليا ..

السر .. ان المحامين العظماء حامد جبر ومحمد منيب "عمامي" اللي اتولدت وسطيهم وكبرت قدامهم دافعوا عني بقلب الاب ولما رجعت البيت اخدوني في حضنهم وبكوا من فرحة رجوعي

السر .. ان كل المحامين الكبار الاعزاء اصدقاء ابويا واللي بيعتبروني زي بنتهم دافعوا عني متطوعين وبقلب صادق جدا

السر.. ان المحامي المحترم خالد ابوبكر ظهر في حياتي فجأه ليلة التحقيق سمع قصتي وطلب مني اعمله توكيل عشان يقف جنبي تطوعا منه وماسابنيش لحظة ..

السر.. ان صحابي الجدعان "بنات ورجاله" كانوا واقفين طول الايام في النيابه وقدام القسم بس عشان يحسسوني انهم جنبي ..

السر .. اني اكتشفت عظمة حب الناس ودعواتهم الصادقه كانت بتوصلني وانا لوحدي في الحجز

السر.. ان ظباط قسم العجوزه كلهم باختلاف الرتب كانو بيتعاملوا معايا "كانسانه"

السر .. ان ملازم اول اصغر مني بكام سنه من القسم قاللي "لما كنت في ثانوي كنت بتابعك في برنامج شبابيك واحس انك اختي انا واثق انك بريئه"

السر .. ان رئيس ووكلاء نيابة العجوزه في منتهى الاحترام

السر .. ان رئيس نيابة العجوزه رجل عنده ضمير مهني حقيقي بعد تحقيقات استمرت 3 ايام وبعد ما كتب مذكره تفيد اني مجني عليا ولست مدانه جه القرار بالحبس قاللي "انا بعتذرلك"

السر .. اني لما رجعت البيت كنت مشتاقه اوي لحضن "حلم" بنتي ولما حضنتها لقيتها اتعلمت جمله جديده "وحشتيني يا ماما"

السر.. اني عرفت قيمة سريري .. واني بعد 5 ايام من غير نوم نمت لمدة 6 ساعات فيهم البركه ولما صحيت لقيت 654 ميسد كول و 76 رساله بيباركولي..

السر.. اني لقيت اسمي "ستاتس" على الفيس بوك واكتر من 30 مقال باقلام كبار الكتاب عني في الجرايد والافات التويتات بتدعمني..

السر.. اني حسيت بوجع المظلومين

السر.. ان اكتشفت ان الظلم بيقوي

السر.. في سبحة "الطاهر" عمر طاهر

السر.. في الايه الكريمه "لا اله الا انت سبحانك اني كنت من الظالمين" اللي كتبتها على جدران الحجز عشان اي حد يدخل الحجز ده يقراها .. سحر ..

السر.. اني لقيت الوقت اللي افتكرت فيه كل حاجه حلوه ربنا اكرمني بيها في حياتي ولقيت نفسي محظوظه جدا بالاهل والاصحاب والاحبه..

السر.. ان لما افتكروني دراع ابويا عشان يلووه .. لاقوني ضهره المستقيم اللي مايتحنيش ..

السر.. اني افتكرت لما كان ابويا بيقعد معايا بليل في البلكونه اغنيله "حببتي من ضفايرها طل القمر" وهو يقرالي شعر من ديوان محمود درويش "لماذا تركت الحصان وحيدا" ودايما كانت تشغلني جمله في القصيده دي عرفت معناها دلوأتي "مثلما كنت تحملني يا أبي"..

ببساطه ..
السر ..
انك تعرف تشوف "المنحه" المستخبيه في قلب "المحنه"..

احمدك يا ربي يا حبيبي يا سندي واشكر كل حد وقف معايا ورد غيبتي ودعالي وساندني ..
سلمى صباحي
19-5-2013

الفراشة

وجد رجل شرنقة لفراشة فأخذها إلي بيته . فهناك يمكنه مراقبتها حين تخرج من شرنقتها .
في أحد الأيام تبدت فتحة صغيرة في الشرنقة . جلس الرجل واخذ يراقب الفراشة لعدة ساعات وهي تكافح من أجل إخراج جسدها من الفتحة الصغيرة وبدا للرجل بأن الفراشة قد علقت في شرنقتها ولا يمكنها أن تفعل أكثر مما فعلت
حينها قرر الرجل مساعدتها . فحمل مقصا وقص ما تبقي من فتحة الشرنقة لتتمكن الفراشة من الخروج . وسريعا بزغت الفراشة . ولكن جسدها كان منتفخا ... وكان جناحاها ضئيلين متغضنين . تابع الرجل مراقبة الفراشة وقد توقع بأن الجناحين سيكبران ويتفتحان في الوقت المناسب . وسيغدوان متسقين مع حجمهما وسيحملانها علي الطيران
أما ما حدث في الحقيقة ... فقد كان عكس ذلك ...
فإن الفراشة الصغيرة قضت بقية حياتها تزحف حول جسدها المنتفخ وجناحها المتغضنين . ولم يكن بإمكانها الطيران أبدا
ولم يدرك السيد بلطفه وتسرعه بأن كفاح الفراشة للخروج من الشرنقة المغلقة ضروري لدفع السائل من جسدها وأنها ستكون جاهزة للطيران فقط حينما تحصل علي حريتها

إضافة تسمية توضيحية

إضافة تسمية توضيحية

مواطن لمرسى حسبى الله ونعم الوكيل ويوقع على استمارة تمرد

أكتر اتنين شغالين فى مصر بذمة الراجل اللى بيسمم طلبة الأزهر ، والراجل اللى بيصور حسن البرنس .. آه والله